Қайрат Пернешұлы Қожамжаров - NiNa.Az

Қайрат Пернешұлы Қожамжаров (24 наурыз 1965, Тараз) — қазақстандық ірі мемлекеттік қайраткер, шенеунік. 2008—2012 және 2014—2017 жылдары аралығында әртүрлі атаумен Сыбайлас жемқорлыққа қарсы іс-қимыл агенттігін басқарды. 2017—2019 жылдары Бас прокурор болды. Көптеген бұқаралық ақпарат құралдарында “Ескі Қазақстанның” өкілі деп қарастырылады.

Қайрат Пернешұлы Қожамжаров
Лауазымы
Ту Қазақстан Республикасы Парламенті Сенатының VII сайланым депутаты Ту
19 наурыз 2019 — 24 қаңтар 2023
Президент	Нұрсұлтан Назарбаев Қасым-Жомарт Тоқаев
Төраға	Дариға Назарбаева Мәулен Әшімбаев
Ту Қазақстан Республикасының 9-Бас прокуроры Ту
11 желтоқсан 2017 — 18 наурыз 2019
Президент	Нұрсұлтан Назарбаев
Ізашары	Жақып Асанов
Ізбасары	Ғизат Нұрдәулетов
Ту Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің 1 және 2-төрағасы Ту
13 қыркүйек 2016 — 11 желтоқсан 2017
Президент	Нұрсұлтан Назарбаев
Ізашары	лауазым пайда болды; Мемлекеттік қызмет істері министрі ретінде Талғат Донақов
Ізбасары	Алик Шпекбаев
6 тамыз 2014 — 11 желтоқсан 2015
Президент	Нұрсұлтан Назарбаев
Ізашары	лауазым пайда болды; Экономикалық қылмысқа және сыбайлас жемқорлыққа қарсы күрес агенттігінің төрағасы ретінде Рашид Түсіпбеков
Ізбасары	лауазым жойылды; Мемлекеттік қызмет істері министрі ретінде Талғат Донақов
Ту Қазақстан Республикасы Сыбайлас жемқорлыққа қарсы іс-қимыл ұлттық бюросының 1-басшысы Ту
11 желтоқсан 2015 — 13 қыркүйек 2016
Президент	Нұрсұлтан Назарбаев
Ізашары	лауазым пайда болды; Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы ретінде өзі
Ізбасары	Талғат Маратұлы Татубаев
Ту Қазақстан Республикасы президентінің көмекшісі — Қауіпсіздік кеңесінің 14-хатшысы Ту
22 қаңтар 2013 — 6 тамыз 2014
Президент	Нұрсұлтан Назарбаев
Ізашары	Марат Тәжин
Ізбасары	Әділбек Жақсыбеков (м.а.) Нұрлан Ермекбаев
Ту Ақмола облысының 8-әкімі Ту
21 қаңтар 2012 — 21 қаңтар 2013
Президент	Нұрсұлтан Назарбаев
Ізашары	Сергей Дьяченко
Ізбасары
Ту Қазақстан Республикасы Экономикалық қылмысқа және сыбайлас жемқорлыққа қарсы күрес агенттігінің 2-төрағасы (2-қаржы полициясы) Ту
12 желтоқсан 2008 — 20 қаңтар 2012
Президент	Нұрсұлтан Назарбаев
Ізашары	Сарыбай Қалмырзаев
Ізбасары	Рашид Түсіпбеков
Өмірбаяны
Партиясы	Нұр Отан
Білімі
Қызметі	Шенеуніктік, сыбайлас жемқорлық, құқық қорғау
Азаматтығы	КСРО→  Қазақстан
Дүниеге келуі	24 наурыз 1965 (1965-03-24) (60 жас) Тараз, Қазақ КСР, КСРО
Жұбайы	Салтанат Ақанова
Әскери қызметі
Атағы	Қаржы полициясының генерал-майоры
Марапаттары
өңдеу

Өмірбаяны

1965 жылы 24 наурызда Тараз қаласында дүниеге келді. Дулат тайпасының Шымыр руынан шыққан.

1987 жылы “заңгер” мамандығы бойынша тәмамдағаннан кейін 8 жыл бойы Тараз қаласы мен Жамбыл облысының прокуратурасында еңбектенді.

1995—1998 жылдары “Қорғас кеденінде тергеуші, бөлім бастығы, бастығының орынбасары;

1998—1999 жылдары “Озон-Мелайн” ЖШС қаржы директоры;

1999—2002 жылдары Қазақстан Мемлекеттік қызмет министрлігі Салық полициясы комитетінің ерекше маңызды істер жөніндегі аға инспекторы, 2-басқарма бастығының орынбасары, Тергеу басқармасы бастығының орынбасары сияқты түрлі лауазымдарда болды.

Бұдан кейін Қожамжаровтың мансабы қаржы полициясында жалғасты:

2001 жылы Қаржы полициясы агенттігінің Тергеу басқармасының бастығы болып тағайындалды.

2002—2004 жылдары Алматы қаласы бойынша Экономикалық қылмысқа және сыбайлас жемқорлыққа қарсы күрес департаменті бастығының жедел-іздестіру жұмыстары жөніндегі орынбасары болса, 2004—2007 жылдары Ақтөбе облысы бойынша Экономикалық қылмысқа және сыбайлас жемқорлыққа қарсы күрес департаментінің басшысы болды.

2007 жылы Экономикалық қылмысқа және сыбайлас жемқорлыққа қарсы күрес агенттігі төрағасының орынбасары болып тағайындалып, 1 жылдан кейінҚазақстан президентінің  № 712 бұйрығымен төрағаның өзі болып тағайындалды.

4 жыл төрағалығынан кейін, 2012 жылы Қазақстан президентінің  № 243 бұйрығымен Ақмола облысының әкімі болып тағайындалды.

2013 жылы Қазақстан президентінің  № 481 бұйрығымен Қазақстан Республикасы президентінің көмекшісі — Қауіпсіздік кеңесінің 14-хатшысы болып тағайындалды.

2014 жылы жаңадан құрылған Мемлекеттік қызмет істері және сыбайлас жемқорлыққа қарсы іс-қимыл агенттікке Қазақстан президентінің  № 886 бұйрығымен төраға болып тағайындалды.

2015 жылы Қазақстан Конституциясы 44-бабының 3 және 5-тармақшаларына сәйкес Қазақстан президентінің  № 128 бұйрығымен Мемлекеттік қызмет істері министрлігі оның ішіндеСыбайлас жемқорлыққа қарсы іс-қимыл ұлттық бюросы құрылып, Қазақстан президентінің  № 39 бұйрығымен бюро төрағасы болып тағайындалды.

2016 жылы Қазақстан Конституциясы 44-бабының 3 және 5-тармақшаларына «Қазақстан Республикасының Президентi туралы» Қазақстан Конституциялық Заңының 17-1-бабына сәйкес, Мемлекеттік қызмет жүйесі мен сыбайлас жемқорлыққа қарсы іс-қимылды одан әрі жетілдіру мақсатында Қазақстан президентінің  № 328 бұйрығымен Мемлекеттік қызмет істері және сыбайлас жемқорлыққа қарсы іс-қимыл агенттік қайта құрылып, Қазақстан президентінің  № 330 бұйрығымен агенттікке төраға болып тағайындалды.

Осылайша, атауы бірнеше рет өзгерген агенттікті 3 жылдан аса басқарғаннан кейін, Қазақстан президентінің бұйрығымен лауазымынан босатылып, Бас прокурор болып тағайындалды.

Лауазымынан босатылғаннан 1 күннен кейін Қазақстан президентінің  № 883 бұйрығымен Парламент Сенатының депутаты болып тағайындалды.

Сыбайлас жемқорлыққа қарсы іс-қимыл агенттігі

2017 жылы Қазақстан президентіне есеп беру барысында 10 айда 3400 қылмыстық іс қозғалып, оның 1000 ісі сотқа берілгені мәлім болды. 15 миллиард теңге көлемінде келтірілген шығынның 11 миллиарды мемлекетке қайтарылды. Құны 7 миллиард теңгеден асатын мүлікке тыйым салынды.2001 жылдан бері оның басшылығымен 10 мыңнан астам адам сыбайлас жемқорлық қылмыстары үшін сотталды, оның ішінде екі экс-премьер, 17 министр мен олардың орынбасарлары, 15 облыс және қала әкімі, сондай-ақ ұлттық компаниялардың 8 топ-менеджері бар. Соңғы 10 жылда елден тыс жерде жасырынып жүрген 205 жемқордың 152-сі елге қайтарылды.

Жеке өмірі

• Үйленген, жұбайы Салтанат Мұзафарқызы Ақанова (1965 туған) — 2011 жылғы мәліметке сәйкес Қазақстан Сауда-өнеркәсіп палатасы төрағасының орынбасары болған. 2011 жылы тілші Гүлжан Ерғәлиева Дубайда қозғалмалы мүлігі мен банк шотында $18 млн бар деп айыптаған. Бірақ Ақанова оның шындыққа жанаспайтынын айтып, үлкен сот процессі өтті.
  • Ұлы Елнар Пернеш (1987 туған) — «Семізбай-U» ЖШС бас директоры.
  • Ұлы Жанайдар Қожамжаров (1994 туған).
  • Ұлы Бексұлтан Қожамжаров (1996 туған).
  • Қызы Жанел Қожамжарова (2005 туған).

Бауырлары:

Тәтесі Дария Қожамжарова (1962 туған) — Жамбыл облыстық мәслихатының VI шақырылымының депутаты, 2013—2018 жылдары Тараз мемлекеттік педагогикалық және 2018—2015 жылдары Оңтүстік Қазақстан университеттерінің ректоры болған.

Қарындасы Раушан Қожамжарова (1972 туған) — 2014—2022 жылдары Жамбыл ауданы әкімдігінің білім бөлімінің басшысы, 2022 жылдан бастап Тараз қалалық білім бөлімінің басшысы.

Інісі Дулат Қожамжаров (1976 туған) — кәсіпкер, миллионер, 2024 жылы байлығы $110 млн бағаланды.

Марапаттары мен атақтары

• Қазақстан Республикасы прокуратурасының үздік тергеушісі (1992);
• II дәрежелі Данқ ордені (2006);
• I дәрежелі Данқ ордені (2014);
• Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі төрағасының Құрмет грамоталары:

Дереккөздер

1. Қ.П.Қожамжаровты Қазақстан Республикасы Экономикалық қылмысқа және сыбайлас жемқорлыққа қарсы күрес агенттігінің (қаржы полициясы) төрағасы қызметіне тағайындау туралы  (қаз.). Қазақстан Республикасы нормативті құқықтық актілерінің ақпараттық-құқықтық жүйесі (12 желтоқсан 2008). Тексерілді, 23 наурыз 2025.
2. Қ.П.Қожамжаровты Ақмола облысының әкімі қызметіне тағайындау туралы  (қаз.). Учёт Законодательство (21 қаңтар 2012). Тексерілді, 23 наурыз 2025.
3. Қазақстан Республикасының Президенті Нұрсұлтан Назарбаевтың "Қ.П.Қожамжаровты Қазақстан Республикасы Президентінің көмекшісі – Қауіпсіздік Кеңесінің хатшысы қызметіне тағайындау туралы" Жарлығы  (қаз.). Қазақстан президентінің ресми сайты (22 қаңтар 2013). Тексерілді, 23 наурыз 2025.
4. Қ.П. Қожамжаровты Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы қызметіне тағайындау туралы  (қаз.). Қазақстан президентінің ресми сайты (6 тамыз 2014). Тексерілді, 23 наурыз 2025.
5. Қ.П.Қожамжаров туралы  (қаз.). Қазақстан Республикасы нормативті құқықтық актілерінің ақпараттық-құқықтық жүйесі (11 желтоқсан 2015). Тексерілді, 23 наурыз 2025.
6. Қ.П. Қожамжаровты Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы қызметіне тағайындау туралы» Жарлық  (қаз.). Қазақстан президентінің ресми сайты (13 қыркүйек 2016). Тексерілді, 23 наурыз 2025.
7. Қазақстан Республикасының Мемлекеттік қызмет істері министрлігін қайта ұйымдастыру туралы  (қаз.). Қазақстан президентінің ресми сайты (13 қыркүйек 2016). Тексерілді, 23 наурыз 2025.
8. Мемлекет басшысының Жарлығымен Қайрат Пернешұлы Қожамжаров Қазақстан Республикасының Бас прокуроры болып тағайындалды, ол Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы қызметінен босатылды  (қаз.). Қазақстан президентінің ресми сайты (11 желтоқсан 2017). Тексерілді, 23 наурыз 2025.
9. Мемлекет басшысының Жарлықтарымен:  (қаз.). Қазақстан президентінің ресми сайты (18 наурыз 2019). Тексерілді, 23 наурыз 2025.
10. Мемлекет басшысының Жарлығымен Қайрат Пернешұлы Қожамжаров Қазақстан Республикасы Парламенті Сенатының депутаты болып тағайындалды  (қаз.). Қазақстан президентінің ресми сайты (19 наурыз 2019). Тексерілді, 23 наурыз 2025.
11. Мемлекет басшысының Жарлығымен Қазақстан Республикасы Парламенті Сенатының депутаттары:  (қаз.). Қазақстан президентінің ресми сайты (24 қаңтар 2024). Тексерілді, 23 наурыз 2025.
12. Елбасы Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Қайрат Қожамжаровты қабылдады  (қаз.). Қазақстан президентінің ресми сайты (20 қараша 2017). Тексерілді, 23 наурыз 2025.
13. Похитившие $8 млрд из Казахстана чиновники до сих пор на воле - Кожамжаров  (орыс.). Ничего лишнего, только бизнес (8 декабря 2017). Тексерілді, 23 наурыз 2025.
14. Кто вы, господин Кожамжаров? Зачем прокурор Назарбаева написал книгу и нужно ли её читать  (орыс.). ORDA (26 июля 2024). Тексерілді, 23 наурыз 2025.
15. Аханованың активтері жайлы Ерғалиеваның дерегі сотқа ұласты  (қаз.). Азаттық радиосы (1 қараша 2011). Тексерілді, 30 наурыз 2025.
16. Аханова vs. Ергалиева. Интересное начало  (орыс.). Ак Жайык (20 октября 2011). Тексерілді, 30 наурыз 2025.
17. «Семізбай-U» ЖШС  (қаз.). Қазақстан ядролық университеті. Тексерілді, 30 наурыз 2025.
18. М.ӘУЕЗОВ АТЫНДАҒЫ ОҚМУ РЕКТОРЫ ТАҒАЙЫНДАЛДЫ  (қаз.). Айғақ (21 мамыр 2018). Тексерілді, 30 наурыз 2025.
19. Ректор ЮКУ имени Мухтара Ауезова покидает свою должность  (орыс.). Айғақ (4 января 2024). Тексерілді, 30 наурыз 2025.
20. Кожамжарова Дария Пернешовна (персональная справка)  (орыс.). online.zakon.kz. Тексерілді, 30 наурыз 2025.
21. Кожамжарова Раушан Пернешовна (персональная справка)  (орыс.). online.zakon.kz. Тексерілді, 30 наурыз 2025.
22. Дулат Кожамжаров  (орыс.). Forbes Kazakhstan. Тексерілді, 30 наурыз 2025.
23. Мемлекеттік наградалар мен әдебиет және өнер саласындағы Мемлекеттік сыйлықтарды тапсыру рәсімі өтті  (қаз.). Қазақстан президентінің ресми сайты (15 желтоқсан 2014). Тексерілді, 23 наурыз 2025.