Нұрлан Шәдібекұлы Алдабергенов - NiNa.Az

Нұрлан Шәдібекұлы Алдабергенов (19 қараша 1962, Алматы) — қазақстандық мемлекеттік қайраткер, 2017—2018 жылдары аралығында Премьер-Министр Кеңсесінің басшысы. Экономика ғылымдарының кандидаты.

Нұрлан Шәдібекұлы Алдабергенов
Лауазымы
Ту Қазақстан Премьер-Министрі Кеңсесінің 14-басшысы Ту
27 наурыз 2017 — 25 ақпан 2019
Премьер-Министр	Бақытжан Сағынтаев
Ізашары	Ерлан Қошанов
Ізбасары	Дархан Кәлетаев
Ту Еуразиялық экономикалық комиссияның мүшесі – Министрі Ту
19 желтоқсан 2011 — 14 сәуір 2017
Ізашары	лауазым пайда болды
Ізбасары	Марат Құсайынов
Ту Қазақстан Табиғи монополияларды реттеу агенттігінің 9-төрағасы Ту
21 желтоқсан 2007 — 14 қаңтар 2012
Президент	Нұрсұлтан Назарбаев
Ізашары	Бақытжан Сағынтаев
Ізбасары	Мұрат Оспанов
Өмірбаяны
Білімі	1) Алматы сәулет-құрылыс институты 2) 3) Қонаев атындағы Еуразиялық заң академиясы
Ғылыми дәрежесі	Экономика ғылымдарының кандидаты
Қызметі	Шенеуніктік, экономика
Азаматтығы	КСРО→  Қазақстан
Дүниеге келуі	19 қараша 1962 (1962-11-19) (62 жас) Алматы, Қазақ КСР, КСРО
Марапаттары	Құрмет ордені Достық ордені
өңдеу

Өмірбаяны

1962 жылы 11 қарашада Алматыда дүниеге келді.

Білімі

1984 жылы Алматы сәулет-құрылыс институтын “құрылысшы инженер” мамандығы, 1988 жылы аспирантурасын және 2005 жылы Қонаев атындағы Еуразиялық заң академиясын “заңгер” мамандығы бойынша тәмамдады.

Мансабы

Мансабын 1988 жылы Алматы сәулет-құрылыс институтында бірінші кіші, кейін аға ғылыми қызметкер ретінде бастады.

1989—1993 жылдары аралығында Боралдай қабырға материалдары өндірістік бірлестігі бас директорының орынбасары;

1993—1994 жылдары аралығында «Алма» компаниясының бас директоры;

1994—1995 жылдары аралығында Қазақстан Ауыл шаруашылығы министрлігінің қарамағындағы «Қазагромеливодхоз» жел электр станциясы басқармасының бастығы;

1995—1996 жылдары «Алма» компаниясына екінші рет бас директор болып келді.

Бұдан кейін Алдабергеновтың мансабы Алматы әкімдігінде жалғасты. Ол онда 1996—1999 жылдары қала бойынша Баға және монополияға қарсы саясат комитеті төрағасының орынбасары және 1999—2004 жылдары Бәсекелестікті қорғау және дамыту агенттігі департаментінің басшысы болды.

2004 жылдың қыркүйегінен бастап оның мансабы Алматы әкімдігінен Үкіметке көшті, яғни Бәсекелестікті қорғау және дамыту агенттігі төрағасының бірінші орынбасары, 2006 жылы жай орынбасары болды.

2007 жылы Қазақстан Үкіметінің № 1247 бұйрығымен Бәсекелестікті қорғау және дамыту агенттігі төрағасы болып тағайындалды.

2011 жылы № 2 бұйрығымен бәсекелестік бойынша және монополияға қарсы реттеу туралы басқарма мүшесі (министрі) болып тағайындалды.Бұл лауазымынан № 3 бұйрығымен 2017 жылы босатылды.

2017 жылы Үкіметке қайтып келіп, онда Премьер-Министрі Кеңсесінің басшысы болып тағайындалды.

2019 жылғы наурызда Президент бұйрығымен Қазақстан Ұлттық экономика министрлігінің жауапты хатшысы болып тағайындалып, бұл қызметін шілдеге дейін атқарды.

Жеке өмірі

Үйленген, 3 баласы бар.

Марапаттары мен атақтары

• 2-дәрежелі Достық ордені;
• Құрмет ордені (2006);
• 1-дәрежелі Еуразиялық Одақты құруға сіңірген еңбегі үшін медалі (2015);
• Астанаға 20 жыл медалі (2018);
• Еуразиялық экономикалық одақтың дамуына қосқан үлесі үшін медалі (2019).

Дереккөздер

1. Н.Ш. Алдабергенов туралы  (қаз.). adilet.zan.kz (21 желтоқсан 2007). Тексерілді, 12 наурыз 2025.
2. О назначении Председателя Коллегии Евразийской экономической комиссии, утверждении персонального состава и распределении обязанностей между членами Коллегии Евразийской экономической комиссии  (орыс.). adilet.zan.kz (19 декабря 2011). Тексерілді, 12 наурыз 2025.
3. Еуразиялық экономикалық комиссия Алқасы мүшесін тағайындау туралы  (қаз.). adilet.zan.kz (14 сәуір 2017). Тексерілді, 12 наурыз 2025.
4. Премьер-министр кеңсесін Нұрлан Алдабергенов басқаратын болды  (қаз.). Азаттық радиосы (27 наурыз 2017). Тексерілді, 12 наурыз 2025.
5. Мемлекет басшысының Өкімдерімен:  (қаз.). Қазақстан президентінің ресми сайты (19 шілде 2019). Тексерілді, 12 наурыз 2025.
6. Мемлекет басшысының Өкімдерімен: Есжан Амантайұлы Біртанов Қазақстан Республикасы Ұлттық Банкі Төрағасының орынбасары қызметіне; Мәдина Ерасылқызы Әбілқасымова Қазақстан Республикасы Ұлттық Банкі Төрағасының орынбасары қызметіне; Нұрлан Шәдибекұлы Алдабергенов Қазақстан Республикасы Ұлттық экономика министрлігінің жауапты хатшысы қызметіне тағайындалды  (қаз.). Қазақстан президентінің ресми сайты (28 наурыз 2019). Тексерілді, 12 наурыз 2025.
7. Алдабергенов Нурлан Шадибекович (персональная справка)  (орыс.). online.zakon.kz. Тексерілді, 12 наурыз 2025.
8. “Еуразиялық экономикалық одақты құруға қосқан үлесі үшін" медалімен наградтау туралы  (қаз.). adilet.zan.kz (8 мамыр 2015). Тексерілді, 12 наурыз 2025.
9. Б. Сағынтаев Қазақстан және елорданың қалыптасуы мен дамуына қосқан үлесі үшін «Астана 20 жыл» мерейтойлық медальдарын табыстады  (қаз.). Қазақстан премьер-министрінің ресми ақпараттық ресурсы (3 шілде 2018). Тексерілді, 12 наурыз 2025.
10. “Еуразиялық экономикалық одақтың дамуына қосқан үлесі үшін" медалімен наградтау туралы  (қаз.). adilet.zan.kz (29 мамыр 2019). Тексерілді, 12 наурыз 2025.