Ерсайын Қайырғазыұлы Нағаспаев - NiNa.Az

Ерсайын Қайырғазыұлы Нағаспаев (28 шілде 1980 жыл, Қарағанды) — қазақстандық экономист және саясаткер, 2025 жылғы ақпаннан Қазақстан Өнеркәсіп және құрылыс министрі.

Ерсайын Қайырғазыұлы Нағаспаев
Нағаспаев, 2025 жыл
Лауазымы
Ту Өнеркәсіп және құрылыс министрі Ту
28 ақпан 2025 жылдан бастап
Президент	Қасым-Жомарт Тоқаев
Премьер-Министр	Олжас Бектенов
Ізашары	Қанат Шарлапаев
Ту Астана әкімінің орынбасары Ту
қаңтар 2013 — қараша 2014
Әкімі	Иманғали Тасмағамбетов Әділбек Жақсыбеков
Ту Шахтинск әкімі Ту
қаңтар 2011 — қаңтар 2013
Өмірбаяны
Білімі	Академик Е.А. Бөкетов атындағы Қарағанды университеті (2001)
Мамандығы	халықаралық экономикалық қатынастар (2001)
Дүниеге келуі	28 шілде 1980 (1980-07-28) (44 жас) Қарағанды, Қарағанды облысы, Қазақ КСР, КСРО
Жұбайы	үйленген
Балалары	2
Ерсайын Қайырғазыұлы Нағаспаев Ортаққорда
өңдеу

Халықаралық экономикалық қатынастарды оқыған Нағаспаев бұрын Астана әкімінің орынбасары (2013–2014), Шахтинск әкімі (2011–2013) лауазымдарына ие болған.

Мансабы

Еңбек жолын Нағаспаев 2001 жылы Теміртау әкімі аппаратының бас маманы ретінде бастады.

2002 жылдан 2003 жылға дейін ол Сыртқы істер министрлігі Инвестиция комитетінің атташесі, министрліктің атташесі болды.

2003–2006 жылдары ол Ресейдегі елшіліктің атташесі, кейін үшінші хатшысы еді.

2006 жылдан бастап Нағаспаев Көлік және коммуникациялар министрлігіндегі жұмысын бастады: 2007 жылға дейін ол министрліктің көлік саясаты және халықаралық ынтымақтастық департаментіндегі бөлім басшысы, департамент директорының орынбасары болды.

2007 және 2009 жылдар аралығында ол «Ақтау теңіз халықаралық сауда айласы» республикалық мемлекеттік кәсіпорны аппараты басшысының орынбасары, аппаратының басшысы еді. Сол жылы ол, оған қоса, Көлік және коммуникациялар министрлігі әкімшілік жұмыс және мемлекеттік жұмыс және мемлекеттік сатыпалым департаменті директорының орынбасары бола тұрды.

Нағаспаев 2009 жылғы сәуірден қарашаға дейін Қазақстан премьер-министрі орынбасарының кеңесшісі еді. Сол жылғы желтоқсаннан 2010 жылғы желтоқсанға дейін ол Қарағанды қаласы Қазыбек би ауданы әкімінің орынбасары қызметін атқарды.

2010 жылғы желтоқсаннан 2011 жылғы қаңтарға дейін ол Қарағанды облысы әкімінің кеңесшісі бола тұрды. Бұдан кейін, 2013 жылғы қаңтарға дейін ол Шахтинск қаласының әкімі болды.

2013 жылғы қаңтардан 2014 жылғы қарашаға дейін Нағаспаев Астана әкімінің экономика және қаржы жөніндегі орынбасары еді. Дәл осы жылдары әкімдік Астана жеңіл метрополитені құрылысына шетелдік консультант іздеп жатыр еді де, метрополитен құрылысы кейін даулы болып, Нағаспаевтың есімі сот ісінде аталған.

2014 жылғы желтоқсанда ол «Астана» әлеуметтік-кәсіпкерлік корпорациясы» акционерлік қоғамы басқармасының төрағасы болды. Бұл лауазымға ол 2016 жылға дейін ие болды. Бұдан кейін, 2020 жылға дейін ол «Новострой Астана» ЖШС стратегиялық даму бойынша директорының орынбасары еді.

2021 жылғы сәуірде Нағаспаев Қазақстан темір жолында жұмыс істейтін болды: 2022 жылғы қаңтарға дейін ол «ҚТЖ» ҰҚ» АО қамтамасыздандыру жөніндегі атқарушы директоры болса, кейін 2025 жылғы 28 ақпанға дейін ол «ҚТЖ» ҰҚ» АО жаңа жобалар жөніндегі атқарушы директор міндетін атқарушысы еді.

2025 жылғы 28 ақпанда президент Тоқаев жарлығы арқылы Нағаспаевты Қазақстан Өнеркәсіп және құрылыс министрі етіп тағайындады.

Өз өмірі

Нағаспаев үйленген, екі баласы бар. Ұлты — қазақ.

Дереккөздер

1. Нагаспаев Ерсайын Каиргазиевич (персональная справка)  (орыс.). online.zakon.kz. Тексерілді, 28 ақпан 2025.
2. Бакелекова, Үмітжан ҚТЖ-ның топ-менеджері Өнеркәсіп және құрылыс министрі болып тағайындалды  (қаз.). kz.kursiv.media (28 ақпан 2025). Тексерілді, 28 ақпан 2025.
3. Алдаяр, Аиша Ерсайын Нағаспаев өнеркәсіп және құрылыс министрі лауазымына тағайындалды  (қаз.). kaz.orda.kz (28 ақпан 2025). Тексерілді, 28 ақпан 2025.
4. Прилепская, Анастасия ЛРТ курировал, в суде фигурировал: Ерсайын Нагаспаев возглавил Минпром  (орыс.). orda.kz (28 февраля 2025). Тексерілді, 28 ақпан 2025.
5. Қазақстан Республикасында кімнің кім екені – 2011. 2 томдық анықтамалық — Алматы, 2011. — ISBN 978-601-278-473-2.