Ғалымжан Алмасбекұлы Елеуов - NiNa.Az

Ғалымжан Алмасбекұлы Елеуов (10 қазан 1978 жыл, Ақтөбе) — қазақстандық дәрігер-хирург және мемлекеттік қайраткер, Қазақстан Парламенті Мәжiлiсінің VII және VIII-шақырылымдарының депутаты (2021–2023), медицина ғылымдарының кандидаты (2010).

Ғалымжан Алмасбекұлы Елеуов
Елеуов, 2023 жыл
Лауазымы
Ту Қазақстан Мәжiлiсі VIII-сайланымының депутаты Ту
28 наурыз 2023 — 31 тамыз 2023
Президент	Қасым-Жомарт Тоқаев
Премьер-Министр	Әлихан Смайылов
Ізбасары
Ту Қазақстан Мәжiлiсі VII-сайланымының депутаты Ту
14 қаңтар 2021 — 19 қаңтар 2023
Президент	Қасым-Жомарт Тоқаев
Премьер-Министр	Асқар Мамин Әлихан Смайылов
Өмірбаяны
Партиясы	AMANAT (2016–)
Білімі	Батыс Қазақстан Мемлекеттік Медицина Академиясы, Қазақ гуманитарлық заң университеті
Мамандығы	дәрігер-хирург
Азаматтығы	Қазақстан
Дүниеге келуі	10 қазан 1978 (1978-10-10) (46 жас) Ақтөбе, Ақтөбе облысы, Қазақ КСР, КСРО
Марапаттары	Құрмет ордені
өңдеу

Өмірбаяны

Ғалымжан Елеуов 1978 жылдың 10 қазанында, Ақтөбе қаласында дүниеге келген. Ұлты — қазақ.

Жоғарғы білімі

• 2001 жыл – Батыс Қазақстан Мемлекеттік Медицина Академиясы – Ақтөбе қаласы;
• 2007 жыл – Қазақ гуманитарлық заң университеті, Астана қаласы;
• 2010 жыл – Ұлттық ғылыми медициналық орталық, Астана қаласы;
• 2011 жыл – Назарбаев Университетінің (Жоғары бизнес мектебі MBA іскерлік әкімшілендіру саласындағы Дьюк университетінің Фукуа бизнес мектебінің бағдарламасы бойынша)
• Сеченов атындағы бірінші Мәскеу мемлекеттік медицина университеті, докторантура (2016)

Медицинадағы мансабы (1992–2021)

1992 жылдан бастап Облыстық клиникалық аурухана, Ақтөбе қаласы, жақ-бет хирургиясы бөлімшесінде болып мансабын бастады. Қызметін 1 қыркүйекке, 1995 жылға дейін жалғастырды.

2002–2007 жылдары аралығында Ақтөбедегі №2 қалалық емханада дәрігер-хирург болды. 2004 жылы Ақтөбенің Медициналық жедел жәрдем ауруханасында дәрігер-хирург қызметінде болды. Жұмысын 2007 жылға дейін жалғастырды.

2007 жылдың 11 наурызынан 2010 жылдың 1 мамырына дейін Ақтөбедегі Медициналық жедел жәрдем ауруханасында дәрігер-хирург және 2010–2012 жылдары №2 қалалық емханада Бас дәрігердің орынбасары болды.

2010 жылының қазанынан бастап «Дару клиникасы» медициналық оңалту орталығының директоры, Ақтөбе қаласы. 2016 жылы Ақтөбе қаласы «DARU Жарығы» клиникасы» офтальмологиялық орталығының директоры және 2018 жылы DARU «MEDICAL GROUP» бас директоры қызметтерінде жұмысын бастады. 2018 жылдан бастап Астанадағы «DARU» Ұлттық ғылыми оңалту орталығының директоры және 2020 жылдан «DARU NEFROS» нефрологиялық орталығының директоры болып жұмыс істеді.

2016 жылдан бастап 2021 жылдың 14 қаңтарына дейін Ақтөбе облысы мәслихатының депутаты.

Депутаттығы (2021–2023)

2021 жылы 14 қаңтар күні Ғалымжан Елеуов Мәжіліс VII-шақырылымының депутаты болып сайланды. Депутаттығын бастаған күні Ақтөбе облысындағы депутаттығынан және DARU компаниясындағы барлық лауазымдарынан бас тартты. Депутаттығы 2023 жылдың 19 қаңтарында аяқталды.

2023 жылдың наурызында Аманаттан Мәжіліс VIII-шақырылымының депутаты болып сайланды. Сол жылдың 27 маусымында Елеуов денсаулық сақтау министрі Ажар Ғиниятқа арнаған сөзінде Қазақстандағы оңалту орталықтарын сынға алды.

2023 жылдың 31 тамызында, Мәжіліс VIII-шақырылымының екінші сессиясына бір-ақ күн қалғанда Елеуов Орталық сайлау комиссиясына өкілетін мерзімінен бұрын тоқтату туралы өтініш жасады. Отставкаға кетуіне себептің не болғаны белгісіз. Елеуовтың депутаттығы ресми түрде 1 қыркүйек күні аяқталды. Оның отставкаға кету өтінішін орындауға дауыс берген депутаттың жалпы саны 94 болды.

Өзге мемлекеттік қызметі

2016 жылдан 2019 жылдың 5 наурызына дейін Елеуов ДСМ «Марат Оспанов атындағы Батыс Қазақстан медицина университеті» ШЖҚ РМК Байқау кеңесінің мүшесі болды.

17 мамыр 2016 жылдан 14 қаңтар 2021 жылға дейін Волейбол федерациясының Ақтөбе облысы бойынша вице-президенті.

2018 жылдан бастап 2021 жылдың 14 қаңтарына дейін «Атамекен» Қазақстан Республикасы Ұлттық Кәсіпкерлер Палатасының Өңірлік Кеңесінің Мүшесі, 2019 жылдың 12 қарашасынан 2022 жылдың 16 мамырына дейін ҚР ДСМ «Марат Оспанов атындағы Батыс Қазақстан медицина университеті» директорлар кеңесінің мүшесі, тәуелсіз директоры болды. Сол жылдың 5 қарашасында тәуелсіз директор, кеңес мүшесі лауазымына қайта тағайындалды.

2022 жылдан бері «AMANAT» партиясы жанындағы Денсаулық сақтау мәселелері жөніндегі республикалық қоғамдық кеңес жанындағы Денсаулық сақтау комитетінің төрағасы лауазымында.

Марапаттары және атақтары

• 2013 — Құрмет ордені;
• 2019 — Қазақстан халқы ассамблеясының «Жомарт жан» төсбелгісі;
• 2020 — «Денсаулық сақтау ісінің үздігі» (Денсаулық сақтау үздігі);
• 2020 — Қазақстан Конституциясына 25 жыл медалі;
• 2020 — «Ерен еңбегі үшін» медалі;
• 2010 — медицина ғылымдарының кандидаты.

Жеке өмірі

Ғалымжан Елеуов үйленген, үш баласы бар. Елеуов қазақ, орыс, ағылшын тілдерін меңгерген.

Сыртқы сілтемелер

• ЕЛЕУОВ ҒАЛЫМЖАН АЛМАСБЕКҰЛЫ

Дереккөздер

1. Шашкина, Алина Вера Ким во второй раз стала депутатом Мажилиса  (орыс.). tengrinews (20 сентября 2023). Тексерілді, 25 ақпан 2024.
2. ЕЛЕУОВ ҒАЛЫМЖАН АЛМАСБЕКҰЛЫ  (қаз.). Қазақстан Парламенті Мәжiлiсінің ресми сайты. Тексерілді, 1 қыркүйек 2023.
3. Ғалымжан Елеуов Мәжіліс депутаты қызметінен кетті  (қаз.). inbusiness (1 қыркүйек 2023). Тексерілді, 1 қыркүйек 2023.
4. Елеуов Галымжан Алмасбекович  (орыс.). zakon.kz. Тексерілді, 1 қыркүйек 2023.
5. Коврик, кушетка, массажист: депутат раскритиковал реабилитационные центры в Казахстане  (орыс.). zakon.kz (27 июня 2023). Тексерілді, 1 қыркүйек 2023.
6. Ғалымжан Елеуов депутаттық өкілетін мерзімінен бұрын тоқтату туралы өтініш берді  (қаз.). Азаттық радиосы (1 қыркүйек 2023). Тексерілді, 1 қыркүйек 2023.
7. Депутаты проголосовали за досрочное прекращение полномочий Галымжана Елеуова  (орыс.) (1 сентября 2023). Тексерілді, 1 қыркүйек 2023.