Мәлік Кеңесбайұлы Мырзалин - NiNa.Az

Мәлік Кеңесбайұлы Мырзалин (31 қазан 1971, Ақтөбе) — қазақстандық дипломат, 2022 жылғы 9 желтоқсаннан бастап қызметтегі Грузиядағы елші, одан бұрын Ақмола облысының әкімі болған.

Мәлік Кеңесбайұлы Мырзалин
Мырзалин, 2016 жыл
Лауазымы
Ту Қазақстанның Грузиядағы елшісі Ту
9 желтоқсан 2022 жылдан бастап
Президент	Қасым-Жомарт Тоқаев
Ізашары	Бауыржан Мұхаметжанов
Ту Қазақстан президенті әкімшілігі басшысының орынбасары Ту
19 наурыз 2019 — 9 желтоқсан 2022
Президент	Қасым-Жомарт Тоқаев
Ізбасары	Ернар Жеңісұлы Баспаев
Басшы	Бақытжан Сағынтаев Қырымбек Көшербаев Ерлан Қошанов Мұрат Нұртілеу
Ту Ақмола облысының 11-әкімі Ту
14 наурыз 2017 — 19 наурыз 2019
Президент	Нұрсұлтан Назарбаев
Ізашары	Сергей Кулагин
Ізбасары	Ермек Маржықпаев
Ту Қазақстан президенті Іс басқарушысының бірінші орынбасары Ту
30 желтоқсан 2016 — 15 наурыз 2017
Президент	Нұрсұлтан Назарбаев
Ізашары	Дабыр Қамыспайұлы Іңкербаев
Ізбасары	Ерлан Еркінұлы Баттақов
Іс басқарушы	Абай Айдарханұлы Бисембаев
Өмірбаяны
Партиясы	Нұр Отан
Білімі	1) Мәскеу мемлекеттік халықаралық қатынастар институты 2) Йель университеті
Ғылыми дәрежесі	Саясаттану ғылымдарының кандидаты
Қызметі	Елші, дипломатия, шенеуніктік
Азаматтығы	КСРО→  Қазақстан
Дүниеге келуі	31 қазан 1971 (1971-10-31) (53 жас) Ақтөбе, Қазақ КСР, КСРО
Жұбайы	Жанар Мырзалина
Сайты	Қазақстанның Грузиядағы Елшілігі
Марапаттары	Құрмет ордені
өңдеу

Өмірбаяны

1971 жылы 31 қазанда Ақтөбеде дүниеге келді.

Білімі

1996 жылы Мәскеу мемлекеттік халықаралық қатынастар институтын және 2006 жылы Йель университетінің “халықаралық қатынастар маманы” мамандығы бойынша тәмамдады. Одан бөлек 2000-жылдары аға дипломаттарға арналған халықаралық курстардан өтті. 2010 жылы саясаттану ғылымдарының кандидаты атанды.

Мансабы

Еңбек жолын 1996 жылы Қазақстанның Ресейдегі Елшілігінде референт, атташе, үшінші, екінші және бірінші хатшы болып бастады.

Одан кейін Батыс Қазақстан облысында жалғасты: 2004—2006 жылдары әкім аппаратының басшысы, 2006—2007 жылдары әкім орынбасары болса, 2006—2007 жылдары әкімнің бірінші орынбасары болды.

Енді Астанаға көшіп ол жақта 2008—2009 жылдары Нұр Отан ХДП Астана қаласы Орталық аппараты басшысының орынбасары, 2010 жылы 1 ай Қазақстан темір жолы компаниясы президентінің кеңесшісі болды. 2010—2011 — Қазақстан президенті Іс басқармасының аппарат басшысы, 2011—2013 — Қазақстан Дін істері агенттігінің жауапты хатшысы, 2013—2017 — Қазақстан президенті Іс басқарушысының орынбасары.

2017 жылы қаңтарда президент бұйрығымен Қазақстан президенті Іс басқарушысының бірінші орынбасары болып тағайындалды.

2017 жылы наурызда Қазақстан президентінің № 445 бұйрығымен Ақмола облысының әкімі болып тағайындалды.

2019 жылы Қазақстан президентінің № 881 бұйрығымен Қазақстан президенті әкімшілігі басшысының орынбасары болып тағайындалды.

2022 жылы Қазақстанның Грузиядағы Төтенше және Өкілетті Елшісі болып тағайындалды.

Жеке өмірі

Үйленген, жұбайы Жанар Жақсылыққызы Мырзалина (1974 туған). Балалары: қызы — Динара (1996 туған) және ұлдары — Нұртай (2002 туған) мен Санжар (2009 туған).

Марапаттары мен атақтары

• Ерен еңбегі үшін медалі (2005);
• Құрмет ордені (2014);
• Парасат ордені (2021);
• Қазақстан Республикасының құрметті спорт қайраткері.

Дереккөздер

1. Мемлекет басшысының Өкімдерімен:  (қаз.). Қазақстан президентінің ресми сайты (30 желтоқсан 2016). Тексерілді, 7 наурыз 2025.
2. М.К. Мырзалинді Ақмола облысының әкімі қызметіне тағайындау туралы  (қаз.). Қазақстан президентінің ресми сайты (14 наурыз 2017). Тексерілді, 7 наурыз 2025.
3. Ақмола облысының әкімі қызметінен босатылды  (қаз.). Қазақстан президентінің ресми сайты (19 наурыз 2019). Тексерілді, 7 наурыз 2025.
4. М.К. Мырзалинді Қазақстан Республикасы Президентінің Әкімшілігі Басшысының орынбасары қызметіне тағайындау туралы  (қаз.). Қазақстан президентінің ресми сайты (19 наурыз 2019). Тексерілді, 7 наурыз 2025.
5. Мемлекет басшысының Жарлығымен Мәлік Кеңесбайұлы Мырзалин Қазақстан Республикасының Грузиядағы Төтенше және Өкілетті Елшісі болып тағайындалды, ол Қазақстан Республикасы Президентінің Әкімшілігі Басшысының орынбасары лауазымынан босатылды  (қаз.). Қазақстан президентінің ресми сайты (9 желтоқсан 2022). Тексерілді, 7 наурыз 2025.