Мұрат Әбуғалиұлы Нұртілеу - NiNa.Az

Мұрат Әбуғалиұлы Нұртілеу (бұрын — Нұртілеуов;11 наурыз 1976 жыл, Алматы) — қазақстандық мемлекеттік қайраткер және дипломат, 2023 жылдан бері қызметтегі Премьер-Министр орынбасары — Сыртқы істер министрі.

Мұрат Әбуғалиұлы Нұртілеу
Нұртілеу, 2023 жыл
Лауазымы
Ту Қазақстан Республикасы Премьер-Министрінің орынбасары — 13-Сыртқы істер министрі Ту
3 сәуір 2023 жылдан бастап
Президент	Қасым-Жомарт Тоқаев
Премьер-Министр	Әлихан Смайылов Роман Скляр (м.а.) Олжас Бектенов
Ізашары	Мұхтар Тілеуберді
Ту Қазақстан Республикасы Президенті Әкімшілігінің 19-басшысы Ту
1 ақпан 2022 — 3 сәуір 2023
Президент	Қасым-Жомарт Тоқаев
Ізашары	Ерлан Қошанов
Ізбасары	Олжас Бектенов
Ту Қазақстан Республикасы Ұлттық қауіпсіздік комитеті төрағасының бірінші орынбасары Ту
5 қаңтар 2022 — 1 ақпан 2022
Президент	Қасым-Жомарт Тоқаев
Ізашары	Самат Әбіш
Ізбасары	Жанат Элиманов
Ту Қазақстан Республикасы Президенті Әкімшілігі Басшысының орынбасары Ту
25 ақпан 2021 — 5 қаңтар 2022
Президент	Қасым-Жомарт Тоқаев
Ізбасары	Ержан Қазыхан
Ту Қазақстан Республикасы Президентінің көмекшісі Ту
24 наурыз 2019 — 25 ақпан 2021
Президент	Қасым-Жомарт Тоқаев
Ту Қазақстан Республикасының Финляндия және Эстониядағы 2-Төтенше және Өкілетті Елшісі Ту
29 наурыз 2016 — 24 наурыз 2019
Президент	Нұрсұлтан Назарбаев
Ізашары	Ғалымжан Қойшыбаев
Ізбасары	Жанна Сартбаева
Өмірбаяны
Партиясы	Аманат (2022—)
Білімі	Қазақ ұлттық университеті
Дүниеге келуі	11 наурыз 1976 (1976-03-11) (49 жас) Алматы, Қазақ КСР, КСРО
Балалары	4
Марапаттары	Құрмет ордені
Murat Nurtleu Ортаққорда
өңдеу

Бұрын ол Сыртқы істер министрінің кеңесшісі (2004–2006), Парламент Сенаты Аппаратының басшысы (2007–2011), Қазақстан Республикасының Женевадағы тұрақты өкілдігінде кеңесші-уәкіл (2011–2014), Қазақстанның Финляндия мен Эстонияға қатар Төтенше және өкілетті елшісі (2016–2019), Қазақстан Президентінің көмекшісі (2019–2021), Президент Әкімшілігі басшысының орынбасары (2021–2022), Қазақстан Республикасы Ұлттық қауіпсіздік комитеті төрағасының бірінші орынбасары (2022), Президент Әкімшілігінің басшысы (2022–2023) және басқа да лауазымдардың иесі болған.

Өмірбаяны

1998 жылы Әл-Фараби атындағы ҚазҰМУ-дың «халықаралық қатынастар» мамандығын бітірген.

• 1998-1999 жж. – ҚР Сыртқы Істер Министрлігінің мемлекеттік хаттама қызметінің атташесі, референт.
• 1999-2003 жж. – Қазақстан Республикасының Малайзиядағы елшілігінің атташесі.
• 2003-2004 жж. – ҚР Сыртқы істер министрлігі Азия және Африка департаментінің екінші хатшысы.
• 2004-2006 жж. – ҚР Сыртқы істер министрінің кеңесшісі.
• 2007 ж. – ҚР Парламенті Сенаты аппарат басшысының орынбасары.
• 2007-2011 жж. – ҚР Парламент Сенаты аппаратының басшысы.
• 2011 ж. – ҚР СІМ Азия және Африка департаменті директоры, ҚР сыртқы істер министрлігінің ерекше тапсырмалар жөніндегі елшісі.
• 2011-2014 жж. – Женевадағы ҚР тұрақты өкілдігінің кеңесші-елшісі.
• 2014-2016 жж. – ҚР президенті әкімшілігінің сыртқы саясат орталығы меңгерушісінің орынбасары.
• 2016 жылдың наурызынан 2019 жылдың наурызына дейін– Қазақстан Республикасының Финляндия, Эстония Республикаларындағы төтенше және өкілетті елшісі.
• 2019 жылғы 24 наурыздан бастап – Қазақстан Республикасы Президентінің көмекшісі.
• 2021 жылғы 25 ақпаннан бастап - Қазақстан Республикасы Президентінің Әкімшілігі Басшысының орынбасары.
• 2022 жылғы 5 қаңтардан Қазақстан Республикасы Ұлттық қауіпсіздік комитеті төрағасының бірінші орынбасары.
• 2022 жылғы 1 ақпаннан Қазақстан Республикасы Президенті Әкімшілігінің басшысы.
• 2023 жылғы 3 сәуірден бастап Премьер-министр орынбасары және Сыртқы істер министрі болып қызмет атқарады.

Отбасы

Үйленген, төрт баласы бар.

Анасы — Құлтай Мұсаева (1954 ж. туған), Абай атындағы Қазақ ұлттық педагогикалық университетінің профессоры.

Үлкен бауыры — Шалқар Нұртілеу (1977 ж. туған), белгілі кәсіпкер. Абай, Шығыс Қазақстан облыстарын жарықпен қамтамасыз ететін «Біріккен энергосервистік компания» АҚ директорлар кеңесінің төрағасы. Автомобиль маркаларының ресми дилері «Doscar Group» компаниясының, Көкшетауда алкогольді және алкогольсіз сусындар (соның ішінде «Хаома» арағы, «Turan» ауыз суы) өндіретін «Asia Waters» компаниясының иесі.Азаттық радиосының мәліметі бойынша Шалқар Нұртілеу президент Тоқаевтың ұлы Тимурмен бірге бизнес серіктестер болып келеді. Тимур Тоқаев иеленген «Фортиус» компаниясына 2016 жылы Шалқар Нұртілеу басшылық жасаған. Шалқар Нұртілеу үйленген, жұбайының есімі Гаухар Есімханова, екі қызы мен бір ұлы бар. Үлкен қызы Айя Шалқар (1996 ж. туған) — белгілі модель, дизайнер.

Кіші бауыры — Саят Сауранбаев (1980 ж. туған), ұлттық қауіпсіздік генерал-майоры, Ұлттық қауіпсіздік комитетінің Ақмола облысы бойынша департаменті бастығы.

Қарындасы — Жәмила Смайыл (1989 ж. туған), дипломат. 2021 жылғы дерек бойынша Қазақстанның Түркиядағы елшілігінің бірінші хатшысы болған.

Марапаттары

• Құрмет ордені

Дереккөздер

1. Анықтама. Нұртілеуов Мұрат Әбуғалиұлы  (қаз.). baq.kz. Тексерілді, 11 шілде 2025.
2. Нұртілеуов Мұрат Әбуғалиұлы  (қаз.). inbusiness (3 сәуір 2023).
3. ТОҒАНБЕК, Аяна Мұрат Нұртілеу жаңа қызметке тағайындалды  (қаз.). Egemen Qazaqstan (3 сәуір 2023).
4. Мұрат Нұртілеу Президент Әкімшілігінің басшысы болып тағайындалды. tengrinews.kz
5. Тоқаев Мұрат Нұртілеуді вице-премьер қызметіне тағайындады  (қаз.). SPUTNIK (3 сәуір 2023).
6. Мусаева Культай Султановна
7. «Откуда деньги на часы?» Мурат Нуртлеу, заместитель премьер-министра – министр иностранных дел РК
8. ҚАЙЫРТАЙҰЛЫ, Манас Азаттық зерттеуі: Тоқаевтың Алматыдағы құпия үйі. Туыстарының бизнесі  (қаз.). Азаттық радиосы (19 сәуір 2022).
9. "Будто сестра": что известно о маме Айи Шалкар
10. Акционерное Общество "Объединённая Энергосервисная Компания". Аффилированные лица (2018)
11. Список кандидатов, получивших высокие оценки конкурсной комиссии по проведению конкурса на занятие административных государственных должностей корпуса «Б» в Министерстве иностранных дел Республики Казахстан