Тұрғын Ысқақұлы Сыздықов - NiNa.Az

Тұрғын Ысқақұлы Сыздықов (2 тамыз 1947, Көкшетау облысы) — қазақстандық және кеңестік мемлекет, қоғам қайраткері. Мәжіліс депутаты (2016—2021).

Тұрғын Ысқақұлы Сыздықов
Сыздықов, 2018
Лауазымы
Ту Қазақстан Парламенті Мәжілісінің VI сайланым депутаты Ту
24 наурыз 2016 — 11 қаңтар 2021
Төраға	Бақтықожа Ізмұхамбетов Нұрлан Нығматулин
Ту Ленинград ауданының әкімі
1994 — 1996
Өмірбаяны
Партиясы	Қазақстан халық партиясы
Білімі	1) Қазақстан ауыл шаруашылығын механикаландыру және электрлендіру колледжі 2) 3) Целиноград ауыл шаруашылығы институты
Қызметі	Шенеуніктік
Азаматтығы	КСРО→  Қазақстан
Дүниеге келуі	2 тамыз 1947 (1947-08-02) (77 жас) Чистопол ауданы, Көкшетау облысы, Қазақ КСР, КСРО
Әскер түрі
Марапаттары	Құрмет ордені
өңдеу

Өмірбаяны

1947 жылы 2 тамызда Көкшетау облысы, Чистопол ауданы, Луганка ауылында дүниеге келді.

Білімі

1966 жылы Қазақстан ауыл шаруашылығын механикаландыру және электрлендіру колледжін “техник-механик”, 1974 жылы Мәскеу қаласындағы “тарих және қоғамтану пәнінің мұғалімі” және 1984 жылы Целиноград ауыл шаруашылығы институтын “агроном-ғалым” дәрежелерімен тәмамдады.

Мансабы

1967—1967 — Көкшетау облысы, Куйбышев ауданы, «Червонный» совхозының механизаторы;

1967—1968 — Целиноградтағы «Қазақсельмаш» зауытының слесары;

1968—1970 — Көкшетау облысы, Рузаевка ауылындағы №81 СПТУ өндірістік оқыту шебері, СПТУ комсомол комитетінің хатшысы, Рузаев аудандық комсомол комитетінің нұсқаушысы;

1975—1980 — Рузаев аудандық комсомол комитетінің екінші, содан кейін бірінші хатшысы;

1980—1985 — Көкшетау облысы, Рузаев ауданының 15-съезі атындағы совхоздың партком хатшысы;

1985—1990 — КОКП облыстық комитетінің ұйымдастыру-партиялық жұмыс бөлімінің нұсқаушысы, жауапты ұйымдастырушысы;

1990—1990 — Көкшетау облысының Чистополь аудандық партия комитетінің екінші хатшысы;

1991—1992 — Чистополь ауданының меншік мәселелері жөніндегі кеңесінің бас маманы;

1992—1993 — Чистополь аудандық халық депутаттары Кеңесінің бастығы;

1993—1994 — Чистополь ауданы әкімінің бірінші орынбасары;

1994—1996 — Көкшетау облысы, Ленинград ауданының әкімі;

1996—1998 — Көкшетау және Солтүстік Қазақстан облыстары әкімдерінің аппараттарында нұсқаушы, меңгерушінің орынбасары, ұйымдастыру-кадр бөлімінің меңгерушісі;

1998—1999 — Солтүстік Қазақстан облысы, Гавриловка ауылындағы “Көкалажар” ЖШС директоры, Рузаевка ауылындағы Рузаев ауыл шаруашылығы тәжірибе станциясының директоры;

2000—2003 — Ақмола облысы әкімінің “Шаруашылық басқармасы” МКҚК бастығы;

2003—2013 — Ақмола облыстық мәслихаты аппаратының басшысы;

2013—2014 — Ш.Уәлиханов атындағы Көкшетау университеті ректорының кеңесшісі;

2014—2021 — Қазақстан халық партиясының хатшысы;

2016—2021 — Қазақстан Парламенті Мәжілісінің VI сайланым депутаты, Экономикалық реформа және өңірлік даму комитетінің мүшесі.

Жеке өмірі

Үйленген, 3 ұлы бар — Олжас (1968 туған), Олжар (1974 туған), Олжан (1985 туған).

Президентікке үміткерлігі

2015 жылы 4 наурызда Сыздықов Қазақстан халық партиясынан президент сайлауына ұсынылды.

10 наурызда қазақ тілінен міндетті емтиханды сәтті тапсырды.

17 наурызда президент сайлауына ресми үміткер ретінде тіркелді.

27 наурызда Сыздықовтың сайлауалды бағдардарламасында оның сенімді өкілі Елнұр Бейсенбаев елдің стратегиялық объектілерін мемлекет меншігіне алу үшін, барлық ұлттық компаниялар мемлекет пен халықтың игілігі үшін жұмыс істеуі үшін жоспарлы нарықтық экономикаға ұмтылатындарын айтты.

Орталық сайлау комиссиясының 28 сәуірде жариялаған нәтижесі бойынша ол 145 756, яғни 1,61 % дауыс жинады.

Марапаттары мен атақтары

• Қазақ КСР Жоғарғы Кеңесінің Құрмет грамотасы (1979);
• Құрмет ордені, Қазақстан Республикасының Тәуелсіздігіне 25 жыл медалі (2016).

Дереккөздер

1. 8 февраля 2016 года Центральная избирательная комиссия Республики Казахстан зарегистрировала партийный список Коммунистической Народной партии Казахстана  (орыс.). (8 февраля 2016). Тексерілді, 9 ақпан 2024.
2. Сыздыков Тургун Искакович (персональная справка)  (орыс.). online.zakon.kz. Тексерілді, 9 ақпан 2024.
3. ҚР Президенті сайлауына ҚКХП атынан үміткер таңдалды  (қаз.). kaz.tengrinews.kz (4 наурыз 2015). Тексерілді, 9 ақпан 2024.
4. ҚКХП АТЫНАН ПРЕЗИДЕНТТІК САЙЛАУҒА ТҰРҒЫН СЫЗДЫҚОВ ҚАТЫСАДЫ  (қаз.). Астана телеарнасы (4 наурыз 2015). Тексерілді, 9 ақпан 2024.
5. Кандидат от КНПК сдал экзамен на свободное владение госязыком  (орыс.). tengrinews.kz (10 марта 2015). Тексерілді, 9 ақпан 2024.
6. Претендент от КНПК приступил к сдаче экзамена на знание госязыка  (орыс.). tengrinews.kz (10 марта 2015). Тексерілді, 9 ақпан 2024.
7. Кандидат в президенты от КНПК успешно сдал экзамен по госязыку  (орыс.). vlast.kz (10 марта 2015). Тексерілді, 9 ақпан 2024.
8. Тұрғын Сыздықов ҚР Президенттігіне кандидат ретінде тіркелді  (қаз.). Qazaqstan телеарнасы (17 наурыз 2015). Тексерілді, 9 ақпан 2024.
9. ҚКХП үміткері президенттікке кандидат болып тіркелді  (қаз.). Азаттық радиосы (17 наурыз 2015). Тексерілді, 9 ақпан 2024.
10. КНПК считает, что Тургун Сыздыков соберет более 50% голосов избирателей  (орыс.). matritca.kz (27 марта 2015). Тексерілді, 9 ақпан 2024.
11. 2015 жылғы 26 сәуірде болған Қазақстан Республикасы Президентінің кезектен тыс сайлауының қорытындылары туралы ХАБАР  (қаз.). Қазақстан Республикасы Орталық сайлау комиссиясы (28 сәуір 2015). Тексерілді, 9 ақпан 2024.